2019-11-07 768
ویلایەتە یەکگرتووەکانی ئەمەریکا بە دوداچوون بۆ ئەوە دەکات، ئایا تورکیا رێککەوتنی شکاندووە و چەکی ئەمەریکیی بۆ تاوانی جەنگ بەکارهێناوە.
ئاوێنه: وتەبێژی وەزارەتی بەرگریی ئەمەریکا بە ئاژانسی سی ئێن ئێنی وتووە: ''واشنتۆن بڕوای وایە ئەو تۆمەتانەی رووبەڕووی تورکیا کراونەتەوە لە راستییەوە نزیکن و ئەمەریکا بە دواداچوونی بۆ دەکات''.
تورکیا یەکێکە لە کڕیارەکانی چەکی ئەمەریکا، لە هێرشی بۆ سەر رۆژئاوای كوردستان، بەشێک لەو چەکانە دراوە بە میلیشیاکانی سووریا و دژی کورد بەکاریان هێناوە، ئەو میلیشیایانەی تورکیاش لە سووریا، بە ئەنجامدانی تاوانی جەنگ تۆمەتبار دەکرێن.
تەنها لە ساڵی 2018، تورکیا بە بەهای 604 ملیۆن و 300 هەزار دۆلار چەکی لە ئەمەریکا کڕیووە کە مووشەک، بۆمب و مینیش لەخۆ دەگرێت.