2020-01-19   967     
لە ئینگلتەرا دوقی ساسێکس شازادە هاری و هاوسەرەکەی مێگان سەرجەم نازناوەکانی شاهانە جێدەهێڵن و بڕیار وایە لە بەهاری ئەم ساڵ دەستب بە ژیانێکی نوێ بکەن.
ئاوێنه: دوابە دوای بڕیاری کشانەوەیان لە ئەندامێتی باڵای خانەوادەی پاشایەتی بەریتانیا، شازادە هاری و هاوسەرەکەی مێگان مارکل سەرجەم نازناوەکانی شاهانە جێدەهێڵن و بڕیار وایە لە بەهاری ئەمساڵ دەست بە ژیانێکی نوێ بکەن.
دوابە دوای بڕیاری هاری و مێگان، شاژنی بەریتانیا ئێلیزابێت-ی دووەم بەپەلە کۆبوونەوەی خێزانیی ئەنجامدا و دواتر بریارەکەی پەسەند کرد.
بەپێی ئەو بڕیارە، هاری و مێگان ماوە ماوە لە کەنەدا دەمێننەوە و لە هەژماری تایبەتی خۆیان نامەی شاژنی بەریتانیا-یان بڵاوکردەوە.
لە دوای بڕیارەکە، چیدیکە هاری و مێگان وەکو ئەندامی خانەوادەی شاهانەی بەریتانیا هەژمار ناکرێن ومووچەی گشتی وەرناگرن.