پشتی راهێنان ل نەخوشخانا زانكویا (جونز هوبكنز) یا ئەمریكی كرین، بۆ جارا ئێكێ نوشدارەكێ كورد خەلكێ پارێزگەها دهوكێ شیا باوەرناما بۆردێ ب چارەسەریا نەخوشیێن پەنجەشێرا خوینێ و چاندنا مەژیێ هەستی ب دەست خوەڤە بینیت.
ئاوێنە، وارهێل نێروەی: د.جەگەر عەبدولا جاسم، بۆ " ئاوێنە " راگەهاند: پشتی ب مەرەما راهێنانێ ل وەلاتێ ئەمریكا و ل نەخوشخانا جوبنز هوبكنز كو سەر ب هەمان زانكویە من خواندی، شیام ببمە ئێكەم كورد ل هەرێما كوردستانێ ڤێ باوەرناما بۆردێ دەستڤە بینم.
گوت ژی: ل سالا 2016 ێ باوەرناما بۆردێ ب نەخوشیێن هناڤا ب دەستڤە ئینا بوو ل نەخوشخانا زانكویا ( كولورادو ) یا ئەمریكی و باوەرناما ماستەرێ ب ساخلەمیا گشتی ل سالا 2012 ل زانكویا نبراسكا یا ئەمریكی وەرگرتی یە.
هەژی گوتنێ یە، نەخوشخانا جوبنز هوبكنز ئێك ژ باشترین نەخوشخانەیە لسەر ئاستێ جیهانێ، و بۆ دەمێ 21 سالایە ل سەر یەك وەك باشترین نەخوشخانە لسەر ئاستێ ئەمریكا دهێتە دەست نیشانكرن، 39 خەلاتێن نوبل وەرگرتی نە و دوماهی خەلات 2019 وەرگرتیە.