2020-02-15 1406
سەرچاوەیەك لە وەزارەتی دارایی رایدەگەیەنێت، بەهۆی راگرتنی دەوامەوە گۆڕانكاری بەسەر خشتەی دابەشكردنی موچەدا هاتووەو سبەینێ موچەی وەزارەتی تەندروستیی دابەشدەكرێت.
ئاوێنه: سەرچاوەیەك لە وەزارەتی دارایی ئاشكرایكردوە، رۆژی یەكشەممە 16ی شوباتی 2020 مووچەی مانگی 11ی ساڵی رابردووی وەزارەتی تەندروستی دابەش دەكرێت.
روونیشیكردەوە، رۆژی دووشەممە، 17ی شوباتی 2020، موچەی وەزارەتی كاروباری شەهیدان و ئەنفالكراوان لەگەڵ كەسوكاری شەهیدان و زیندانە سیاسییەكان دابەشدەكرێت و دابەشكردنی موچەش بەردەوام دەبێت.