2020-02-26 628
پەرلەمانتارێکی هاوپەیمانی فەتح ئاشکرای دەکات ، هەوڵێکی سیاسی هەندێک هێزی شیعە هەیە لەگەڵ هێزە کوردی وسونیەکان بۆئەوەی کەشی دانیشتەنەکەی سبەینێ پەرلەمان ئاسایی بێت بۆ دەنگدان بە کابینەکەی عەللاوی .
ئاوێنه: نەسیم عەبدوڵا ئەندامی ئەنجومەنی نوێنەران لەهاوپەیمانی فەتح رایدەگەیەنێت ، هادی عامری سەرۆکی هاوپەیمانی فەتح وعەمار حەکیم سەرۆکی ڕەوتی حیکمە لەگەڵ هەندێک سەرکردەی تر لە گفتوگۆ و هەوڵدان لەگەڵ هێزە سونی و کوردەکان بۆ هێورکردنەوەی کەشی دانیشتی سبەینێ ئەنجومەنی نوێنەران کەتایبەتە بەمتمانەدان بەحکومەتی نوێ .
ئەو پەرلەمانتارە وتیشی ئامانجی سەرکردە شیعەکان ئەوەیە سەرجەم لایەنەکان دەنگ بەکابینەی نوێ بدەن وسەرجەم پێک هاتە جیاوازەکان بەشداربن لەحکومەت ، بەمەرجێ حکومەتێکی سەربەخۆ و بێت و پابەندبێت بەداوکاری و مەرجەکانی شەقامەوە.
نەسیم عەبدوڵا ئەوەش دەخاتە روو تائیستا گفتوگۆکان بەردەوامەو بەئاراستەیەکی ئیجابیدا هەنگاو دەنێت .