بەرپرسانی ئیتاڵیا رایانگەیاند، ژمارەی توشبوانی ڤایرۆسی كۆرۆنا بۆ پێنج
هەزارو 883 كەس بەرزبۆتەوەو ئەمڕۆ شەممە بەتەنها یەك هەزارو 253 حاڵەت تۆماركراون.
ئاوێنە: ئەنجیلۆ پۆریلی، سەرۆكی دەستەی بەرگری مەدەنی رایگەیاند، ئەمڕۆ 36
كەسی دیكە بە ڤایرۆسی كۆرۆنا گیانیان لەدەستداوەو بەوەش ژمارەی گیانلەدەستداوان
گەیشتۆتە 233 كەس.
هەروەها ئاماژەی بەوەشدا كە ئەمڕۆ بەتەنها یەك هەزارو 253 حاڵەتی توشبون بە
ڤایرۆسەكە تۆماركراون و بەوەش ژمارەی توشبوان گەیشتۆتە پێنج هەزارو 883 حاڵەت.