کونسوڵگەری گشتی چین لە هەولێر رایگەیاند، ''ئەمڕۆ تەنها ٨ حاڵەتی تووشبوون بە ڤایرۆسی کۆڕۆنا لە ووهان تۆمارکراوە و هیچ حاڵەتێکی نوێ لە دەرەوەی هەرێمی خوبەی بۆ ٧ رۆژی یەک لە دوای یەک نەبووە''.
ئاوێنه: لە بڵاوکراوەیەکی تۆڕی کۆمەڵایەتی فەیسبوکدا کونسوڵگەریی گشتی چین لە هەولێر ئاماژەی بەوە داوە کە دوای چەندین رۆژ ئەمڕۆ تەنها ٨ حاڵەتی تووشبوون بە ڤایرۆسی کۆڕۆنا لە ووهان تۆمارکراوە و هیچ حاڵەتێکی نوێ لە دەرەوەی هەرێمی خوبەی بۆ ٧ رۆژی یەک لە دوای یەک نەبووە.
هاوکات لە بڵاوکراوەکەدا ئاماری تووشبووان لە هەرێمی خوبەی و شاری ووهان بڵاوکراوەتەوە و تێیدا ئاماژە بەوە دراوە کە لە ١٨ی شووبات، تەنها لە رۆژێکدا ١٦٩٣ لە هەرێمی خوبەی و ١٦٦٠ حاڵەتیش لە شاریی ووهان تۆمارکراوە.
