2020-03-28   411     
سوپای ئەڵمانیا رایگەیاند كە لەچوارچێوەی هەوڵەكان بۆ رووبەڕووبوونەوەی ڤایرۆسی كۆرۆنای نوێ (COVID-19)، ١٥ هەزار سەربازی خستووەتە ئەركەوە.
ئاوێنه: لە كۆنگرەیەكی رۆژنامەوانییدا مارتن شلیز، جەنەرال لە سوپای ئەڵمانیا رایگەیاند لەمیانی ئەم هەفتەیەدا ئەو ١٥ هەزار سەربازە لە چوار ناوچەی وڵات بڵاودەكرێنەوە بە ئامانجی پاڵپشتیكردن لە هەواڵەكان بۆ رووبەڕووبوونەوەی ڤایرۆسی كۆرۆنا.
هاوکات شلیز روونشیكردەوە كە ئەركی ئەو سەربازانە تایبەت دەبێت بە پاراستنی كۆگاکانی پزیشكی لەگەڵ دروستكردنی نەخۆشخانەكانی گەڕۆك و دابەشكردنی پێدوایستییە بەپەلەكانی پزیشكی.
بەپێی ماڵپەڕی “Coronavirus-Monitor” ژمارەی ئەو كەسانەی كە بە ڤایرۆسی كۆرۆنا لە ئەڵمانیا گیانیان لەدەستداوە بەرزبووەتەوە بۆ ٢٧٠ كەس و ژمارەی تووشبووانیش بە ڤایرۆسەكە گەیشتووەتە ٤٤ هەزار و ٤٣٩ كەس.