قائیمقامی چەمچەماڵ رایگەیاند: ئەو چوار توشبوەی كۆرۆنا كە شەوی رابردو وەزارەتی
تەندروستی حكومەتی هەرێمی كوردستان رایگەیاند هەرچواریان دانیشتوی چەمچەماڵن،
تەنها دوانیان لە چەمچەماڵن.
ئاوێنە: شەوی رابردو وەزارەتی تەندروستی حكومەتی هەرێمی كوردستان لە راگەیەندراوێكدا چوار توشبوی نوێی كۆرۆنای راگەیاندو وتی: هەر چوار حاڵەتەكە دانیشتوی قەزای چەمچەماڵن.
بەڵام رمك رەمەزان، قائیمقامی چەمچەماڵ لە رونكردنەوەیەكدا رایگەیاند: تەنها دوان لەو چوار حاڵەتەی توشبوی
كۆرۆنا لە چەمچەماڵن كە شەوی رابردو
لەلایەن وەزارەتی تەندروستییەوە راگەیەندران.
قائیمقامی
چەمچەماڵ وتویەتی"دووان لە حاڵەتەکان نوێن و دانیشتوی سنوری چەمچەماڵن و بەرکەوتەی
توشبوانی پرسەکەی چەمچەماڵن، یەکێک لە حاڵەتەکان دانیشتوی سلێمانیە لە گەڕەکی قولەرەیسی
و توشبووی چوارەمیش لە ماوەی پێشودا تۆمارکراوە و لەسلێمانی پشکنینی بۆ کراوە و
داخلکراوە ، بۆیە ڕایدەگەیەنین ئێمە لە چەمچەماڵ دوو توشبووی نوێمان هەیە."
دەقی رونكردنەوەكە...
ڕونکردنەوە
تەنها دووان لە
حاڵەتەکان لە چەمچەماڵن
سەبارەت بەو
چوار حاڵەتەی توشبوون بە ڤایرۆسی کۆرۆنا کە ئەم شەو ۹/ ٤/ ۲۰۲۰ لەلایەن وەزارەتی تەندروستیەوە ڕاگەیەنراو
و ئاماژە بەوەکرا کە دانیشتوی سنوری قەزای چەمچەماڵن ، ئێمە ڕای دەگەیەنین کە
دووان لە حاڵەتەکان نوێن و دانیشتوی سنوری چەمچەماڵن و بەرکەوتەی توشبوانی پرسەکەی
چەمچەماڵن، یەکێک لە حاڵەتەکان دانیشتوی سلێمانیە لە گەڕەکی قولەرەیسی و توشبووی
چوارەمیش لە ماوەی پێشودا تۆمارکراوە و لەسلێمانی پشکنینی بۆ کراوە و داخلکراوە ،
بۆیە ڕایدەگەیەنین ئێمە لە چەمچەماڵ دوو توشبووی نوێمان هەیە .
رمك رمضان قادر
قائیمقامی قەزای
چەمچەماڵ
سەرۆکی لیژنەی بەرەنگاربوونەوەی
کۆرۆنا /چەمچەماڵ
۹ /٤ / ۲۰۲۰