سەلاحەدین دەمیرتاش، سەركردەی زیندانیكراوی كوردی باكور لەلایەن ناوەندی هاوپەیمانیی پێشكەوتنخوازی نێودەوڵەتییەوە بۆ ساڵی ٢٠١٩ خەڵاتی ئازایەتی سیاسی پێبەخشرا.
ئاوێنە: ناوەندی هاوپەیمانیی پێشكەوتنخوازی نێودەوڵەتی كە بنكەكەی لەئەڵمانیایە خەڵاتی ئازایەتی ژمارە 9ی بۆ ساڵی 2019 بەخشی بەسەلاحەدین دەمیرتاشی سەرۆكی پێشوی پارتی گەلی دیموكراتی – هەدەپە، كە لەساڵی 2016ەوە تا ئێستا لەزیندانی ئەدرنە زیندانی كراوە.
باشاك دەمیرتاشی هاوسەری سەلاحەدین دەمیرتاش لەبری ناوبراو خەڵاتەكەی وەرگرت.