لیژنەی ئامادەکاریی ئاهەنگی نەورۆز لە سلێمانی رایگەیاند، بۆ ئەمساڵ ئاگری نەورۆز لە شەقامی سالم لەدوای بەربانگ دەکرێتەوە و لەسەر شەقامەکە چەندین چالاکی وەک نمایشکردنی ئۆتۆمبێلی مۆدیل کۆن و نمایشی کاری دەستی و نمایشی بوکەڵەی منداڵان بەڕێوەدەچێت.
جەزای ساز سەرۆکی کۆمەڵەی میللی کوردستان و ئەندامى لیژنەى ئامادەکاریی ئاهەنگی نەورۆز لە سلێمانی لەبارەى ئامادەکارییەکان بۆ ئاهەنگى نەورۆز لە سلێمانى لە کۆنگرەیەکی رۆژنامەوانیدا بەمجۆرە زانیارى خستەڕوو:-
سەرۆکی کۆمەڵەی میللی کوردستان ڕایگەیاند، ئەمساڵ بڕیارماندا لە شەقامی سالم ئاهەنگی نەورۆز لەدوای بەربانگ بکەینەوە و بۆ ئەو مەبەستە کۆمەڵێک کەپرمان لەسەر شەقامەکە ئامادەکردووە.
ئاماژەی بەوەشکرد، لەسەر شەقامەکە چەندین چالاکی وەک نمایشکردنی ئۆتۆمبێلی مۆدیل کۆن و نمایشی کاری دەستی و نمایشی بوکەڵەی منداڵان بەڕێوەدەچێت.
ئەوەشى خستەڕوو، سبەینێ لەدوای کاتژمێر ٥ی ئێوارە شەقامی سالم بەڕووی شۆفێراندا دادەخرێت.