حەسەن تەمیمی، وەزیری تەندروستی عێراق، ئەمڕۆ هەینی، رایگەیاند: دەستیان
كردوە بە دروستكردنی دەرمانێكی روسی بۆ چارەسەری توشبوانی كۆرۆناو دەشڵێت: لە
كۆتایی هەفتەی داهاتودا چارەسەرەكە بەردەست دەبێت.
ئاوێنە: حەسەن
تەمیمی بە دەزگا راگەیاندنە رەسمییەكانی عێراقی راگەیاندوە: لەعێراق دەستكراوە بە
دروستكردنی چارەسەرە روسییەكە بۆ توشبوانی ڤایرۆسی كۆرۆنا و لە كۆتایی هەفتەی
داهاتودا بەردەست دەبێت.
پێنجشەممەی
رابردوتر، روسیا پێشنیاری دەرمانێكی خستەڕو كە رەزامەندی وەرگرت بەمەبەستی
بەكارهێنانی بۆ چارەسەری توشبوانی كۆرۆنا.
دوشەممەی رابردوش
وەزارەتی تەندروستی عێراق رایگەیاند: لیژنە راوێژكارییەكان سەرقاڵی تاوتوێكردنی
ئەو دەرمانە روسییەن و دواتر لەبارەیەوە بڕیاردەدەن.
رۆژی چوارشەممەش
وەزارەتی تەندروستی عێراق رایگەیاند لەگەڵ وەزارەتی تەندروستی روسیا كۆبونەوەتەوە
بۆ تاوتوێكردنی پڕۆتۆكۆلی چارەسەركردنی توشبوانی كۆرۆنا.