بەپێی قسەی قائیمقامی چوارتا لە بۆردومانەكەی ئێوارەی ئەمڕۆی سەیرانگای كونەماسیدا، یەك كەس شەهید بوەو شەش كەسی دیكەش بریندار بون.
ئاوێنە: شاهۆ عوسمان، قایمقامی چوارتا لە كۆنگرەیەكی رۆژنامەوانیدا رایگەیاند: بۆردومانەكە لەلایەن فڕۆكەیەكەوە ئەنجامدراوەو ئۆتۆمبێلێكی جۆری "تۆیۆتا دەبڵ"ی كردۆتە ئامانج.
وتیشی: ئەو کەسەی شەهید بوە چەکدار بوە و تا ئێستا ناسنامەکەیشی ئاشکرانەکراوە.
باسی لەوەشکرد، کە شەش کەس برینداربون و پێنجیان ئەندامی یەک خێزانن کە دو منداڵ و دو ژن و دو پیاون.
بەپێی میدیاكانی نزیك لە پەكەكە، ئەو فڕۆكەیەی بۆردومانەكەی ئەنجام داوە، توركی بوە.