وەزارەتی بەرگری توركیا كوژرانی سەربازێكی دیكەی هێزەكانی لە هەرێمی كوردستان ڕاگەیاند.
ئاوێنه: ئەمڕۆ یەك شەممە وەزارەتی بەرگری توركیا ڕایگەیاند سەربازێكیان لە چوارچێوەی ئۆپەراسیۆنی “چنگی - پڵنگ” كوژراوە، وەك ئاماژەیەك بۆ ئەو لەشكركێشییەی كە بۆ سەر هەرێمی كوردستان دەستیانپێكردووە.
بە پێی ڕاگەیەندراوەكانی وەزارەتی بەرگری توركیا ژمارەی ئەو سەربازانەی لە چوارچێوەی لەشكركێشییەكەیان بۆ سەر هەرێم كوژراون لە پێنج سەرباز تێپەڕناكات، بەڵام دوێنێ زاگرۆس هیوا وتەبێژی كۆما جڤاكێن كوردستان ڕایگەیاند تا ئێستل نزیكەی 100 سەربازی توركیا كوژراون.