وەزارەتی دەرەوەی ئێران رایگەیاند''دەستگیركردنی چەند ئەندامێكی كەتائیبی حزبولڵای عێراقی ، پرسێكی عێراقییە و ئێران دەست لە كاروباری ناوەخۆی عێراق وەرنادات'' .
ئاوێنه: وەزارەتی دەرەوەی ئێران رونیشیكردەوە كە حشدی شەعبی هێزێكی نیشتیمانی عێراقییە بە فه‌رمانی مەرجەعیەت و بەرپرسانی عێراق پێكهێنراوە و ئێستاش هێزێكی سەربازی فەرمییە لەو وڵاتە .
وەزارەتی دەرەوەی ئێران راشیگەیاند كە حكومەتی عێراق توانای هەیە كێشەكانی چارەسەر بكات و عێراق بەرەو ئارامی و سەقامگیری ببات .
شایانی باسە رۆژی هەینی رابردوو هێزەكانی عێراق هەڵیان كوتایە سەر بارەگاكانی حزبولڵا و ژمارەیەك لە ئەندامانیان دەستگیركرد.