2020-07-05   925     
خۆپیشاندان و ناڕەزایی لە بەغدا دەستی پێکرد، هێرشکراوەتە سەر باڵوێزخانەی ئەمریکا.
ئاوێنه: خۆپیشاندەرانی سەربە حەشدی شەعبی دەرگای ناوچەی سەوزی شاری بەغدایان شکاند وبەرەو باڵیۆزخانەی ئەمریکا دەڕۆن.
لەهەمان کاتدا سەرچاوەیەکی ئەمنی عێراق رایگەیاند، لە بەغدا مووشەکێکی کاتیۆشا ئاڕاستەی باڵیۆزخانەی ئەمریکا کراوە و لەرێگەی سیستمی مووشەکی پاتریۆتەوە لە ئاسمان تێکشکێنراوە، پاشماوەی مووشەکەکەش لە نزیک پردی هەڵواسراو لە ناوچەی سەوز کەوتە خوارەوە.
لە ماوەی مانگی رابردوودا زیاتر لە 20 مووشەک ئاراستەی ناوچەی سەوز و باڵیۆزخانەی ئەمەریکا کراون.
پەیوەست بەو پرسە ئەندامێکی لیژنەی ئاسایش و بەرگری لە پەرلەمانی عێراق رایدەگەیەنێت، باڵیۆزخانەی ئەمەریکا لە بەغدا کراوەتە سەربازگە.
عەلی غانمی، ئەندامی لیژنەی ئاسایش و بەرگری لە پەرلەمانی عێراق رایگەیاند "باڵیۆزخانەی ئەمەریکا کراوەتە سەربازگە و مەشق و راهێنانی سەربازی تێدا ئەنجام دەدرێت و چەکی قورس و جۆراوجۆری تێدایە، ئەمەش دوورە لە بەندەکانی رێککەوتننامەی ڤییەننا بۆ رێکخستنی دیپلۆماتی".
سەرچاوەیەکی ئەمنی لە بەغدا رایگەیاندبوو، ترس لەنێو هاووڵاتیانی بەغدا بڵاوبووەتەوە، بەهۆی دەنگی تەقە و تەقینەوە، لەکاتی مەشق و راهێنانی سەربازی، لەناو باڵیۆزخانەی ئەمەریکا.