2020-08-24 542
عوسمان غانمی، وەزیری ناوخۆی عێراق رایگەیاند كە لەگەڵ فەرماندەییەکانی ئەمنیی بەدواداچوون دەکەن بۆ رەوشی ئەمنی بەسرە و جەختیش لەوە دەكاتەوە ئەو كەسانە دەستگیر دەكەن كە دەستیان بە خوێنی هاووڵاتییان سوورە.
ئاوێنه: عوسمان غانمی لە لێدوانێكی رۆژنامەوانییدا وتی، “بەردەوام لەگەڵ فەرماندە ئەمنییەكان بەدواداچوون دەکەن بۆ دوا پێشهاتەكانی رەوشی ئەمنی بەسرە و ئەو ئۆپەراسیۆنانەی كە ئەنجام دەدرێن بە ئامانجی راوەدوونان و دەستگیركردنی كەسانی داواكراو لەلایەن دادگاوە”.
عوسمان غانمی ئاماژەی بەوەیش دا، ئەو كەسانە دەستگیر دەكەن كە دەستیان بە خوێنی هاووڵاتییان سوورە و وتی، “پاراستنی ئاسایش بەرپرسیارییەتی هەمووانە و ئاسایشی بەسرە بە چڕكردنەوەی هەوڵی دانیشتوانەكەی و هێزە ئەمنییەكان بەرقەرار دەبێت”.
پێشتر وتەبێژی فەرماندەی گشتیی هێزە چەكدارەكان، لیوا یەحیا رەسول رایگەیاندبوو كە خوێنی شەهیدانی بەسرە بە هەدەر ناڕوات و سەرجەم تاوانباران دەستگیر دەكرێن و دەدرێن بە دادگا.