بەرهەم ساڵح،
سەرۆك كۆماری عێراق و باڵیۆزی ئەمریكا جەخت لە رێزگرتن لە سەروەری عێراق و
رەتكردنەوەی هەر جۆرە دەستێوەردانێك دەكەنەوە.
ئاوێنە: بەپێی
بەیاننامەیەكی سەرۆكایەتی كۆمار، ئەمڕۆ یەکشەممە ٢٠٢٠/٩/٢٠ بەرهەم ساڵح، لە کۆشکی
بەغداد پێشوازیکردوە لە ماتیۆ تیولەر، باڵیۆزی ئەمریکا لە عێراق و لەبارەی دۆخی عێراق
و ناوچەکە گفتوگۆیان كرد.
لە دیدارەکەدا سەبارەت
بە پەیوەندییەکانی عێراق و ئەمریکا و چۆنیەتی پەرەپێدانی ئاسۆی هاریکاری لە چوارچێوەی
دیالۆگی ستراتیژی نێوان هەردو وڵات و بە گوێرەی بەرژەوەندییە هاوبەشەکان لە سەرجەم
بوارەکاندا گفتوگۆکرا.
هاوکات دوایین پەرەسەندنەکان
لە گۆڕەپانی ناوچەكە و نێودەوڵەتی تاوتوێکران و جەختکرایەوە لە پێویستی کەمکردنەوەی
گرژییەکان و بەکارهێنانی زمانی دیاڵۆگ بۆ چارەسەکردنی کێشە هەڵپەسێردراوەکان و بەدیهێنانی
ئاسایش و سەقامگیری و رێزگرتن لە سەروەری عێراق و رەتکردنەوەی هەر جۆرە دەستێوەردان
و پێشلکارییەک.