ئاماری نوێی كۆرۆنا لە عێراق: زۆترین مردن بە كۆرۆنا لە سلێمانی تۆماركراوە
  2020-10-17       231       

بەپێی ئاماری رۆژانەی وەزارەتی تەندروستی عێراق، لەماوەی 24 سەعاتی رابردودا، ژمارەی ئەو توشبوانەی لە كۆرۆنا چاكبونەتەوە زیاتر بوە لەوانەی توشی ڤایرۆسەكە بون و هەروەها 56 توشبوش گیانیان لەدەستداوە كە زۆرترینیان لە پارێزگای سلێمانی تۆماركراون.

ئاوێنە: وەزارەتی تەندروستی عێراق، ئەمڕۆ شەممە، لە بەیاننامەیەكدا ئاشكرایكرد: لەماوەی 24 سەعاتی رابردودا، 16 هەزار و 686 پشكنینی كۆرۆنا لەسەرتاسەری وڵات ئەنجامدراون و بەپێی ئەنجامەكان سێ هەزارو 221 كەسی دیكە توشی كۆرۆنا بون.

بەپێی بەیاننامەكە هەر لەماوەی 24 سەعاتی رابردودا 56 توشبوی دیكەی كۆرۆنا گیانیان لەدەستداوەو سێ هەزارو 329 توشبوی دیكەش چاكبونەتەوە.

بەگوێرەی بەیاننامەكە لەماوەی 24 سەعاتی رابردودا لەسەر ئاستی پارێزگاكانی عێراق، پارێزگای سلێمانی بە 12 حاڵەتی گیانیانلەدەستدان بەرزترین ژمارەی مردنی بە كۆرۆنا تێدا تۆماركراوەو دوای ئەویش دهۆك بە تۆماركردنی هەشت حاڵەتی گیانلەدەستدان دێت.

وەزارەتی تەندروستی عێراق لە بەیاننامەكەیدا هێمای بۆ ئەوە كردوە كە بە تۆماركردنی ئەم حاڵەتە نوێیانە، كۆی توشبون بە كۆرۆنا گەیشتۆتە 423 هەزار و 524 كەس و لەوانە 10 هەزارو 198 كەسیان گیانیان لەدەستداوەو 357 هەزارو 291 كەسیان چاكبونەتەوەو 56 هەزارو 35 كەسیشیان لەژێر چارەسەردان كە لەوانە 491 توشبویان لەژێر چاودێری چڕدان.

زۆرترین بینراو
© 2020 Awene Online, Inc. All Rights Reserved.
×