دوای ئەوەی لە رۆژانی رابردو نرخی نەوت بەشێوەیەكی بەرچاو روی لە بەرزبونەوە
بو، بەڵام ئەمڕۆ هەینی بەهای نەوت لە بازاڕەكانی جیهاندا دابەزینی بەخۆیەوە بینی.
ئاوێنە: بەپێی ئاژانسی رۆیتەرز، ئەمڕۆ هەینی، نرخی یەك بەرمیل نەوتی خاوی
برێنت 20 سەنت دابەزیوەو بوە بە 51.30 دۆلار و هەروەها نرخی یەك بەرمیل نەوتی خاوی
تەكساس-یش 14 سەنت لە بەهای خۆی لە دەستداوە بوە بە 48.22 دۆلار.
رۆیتەرز دابەزینی نرخی نەوتی بۆ بەرزبونەوەی حاڵەتەكانی توشبون بە كۆرۆنا
گەڕاندۆتەوە كە هەڕەشەیە لەسەر دابەزینی خواست لەسەر وزە و هەروەها بەرزبونەوەی
بەهای دۆلاری ئەمریكیشی بە هۆكارێكی تر ناوبردوە.