بەهۆی شەڕ و پێكدادانی نێوان دوو هۆز لە پارێزگای بەسرە، پێنح كەس كوژران و حەوت كەسی دیكەش برینداربوون.
ئاوێنه: محەمەد خەڵەف ئەفسەر لە سوپای عیراق لە لێدوانێكی ڕۆژنامەوانیدا ڕایگەیاند، بەهۆی كێشەی كۆمەڵایەتییەوە لەناوچەی كەرەمە لە پارێزگای بەسڕە، شەڕ و پێكدادان لەنێوان دوو هۆز دروست بوو.
وتیشی”بە هۆی شەڕەكەوە پێنج كەس كوژراون و حەوت كەسی دیكەش بریندار بوون، لەو شەڕەشدا چەكی سوك و مامناوەند بەكارهێنراون”.
ئاشكراشیكرد، شەڕەكە لەنێوان هەردوو هۆزی حمادنە و ئەبوعفرە بەهۆی كێشەیەكی كۆنی كۆمەڵایەتییەوە ڕوویداوە، لەئێستاشدا هێزەكانی سوپای عیراق چوونەتە نێوەندی شەڕەكەوە و دۆخەكە ئاسایكراوەتەوە.