کوڕێکی گەنجی ئاوارەی شنگال لە کەمپی روانگە لە دهۆک بە خۆهەڵواسین کۆتایی
بە ژیانی خۆی هێنا. ئەو گەنجە تەمەنی 20 ساڵانەو خەڵکی شنگالە، ناوی شەمۆ بەدەلە و
ئێزدییە.
ئاوێنە: جەعفەر سمۆ، بەڕێوەبەری کاروباری ئێزدییەکان لە دهۆک جگە لە پشتڕاستکردنەوەی
هەواڵەکە، بۆ "روداو" وتی "هێشتا رون نییە هۆکاری خۆکوشتنی ئەم گەنجە
چییە، بەڵام لە ماوەی چەند رۆژێکدا ئەمە چوارەم حاڵەتی خۆکوشتنە لەناو کەمپەکاندا
رودەدات."
لەماوەی 72 سەعاتی رابردودا، جگە لەو گەنجە سێ كچی دیكەش لە كەمپی ئاوارە
ئێزیدییەكاندا كۆتاییان بە ژیانی خۆیان هێناوە.
بەڕێوەبەری کاروباری ئێزدییەکان ئاماژەی بەوە
کرد "پێویستە لایەنی حکومی و رێکخراوەکان لە هۆیەکانی ئەم حاڵەتانە بکۆڵنەوە،
پلان و بەرنامە دابنرێن بۆئەوەی گەنجان زیاتر هۆشیار بکرێنەوە، تاوەکو لەو روداوانە
خۆیان بەدور بگرن."