2021-03-21 721
دوای ئەوەی دوێنێ شەممە پەرلەمانی عێراق بەهۆی ناکۆکی نێوان لایەنەکان، نەیتوانی پڕۆژەیاسای بودجە پەسەندبکات، سەرۆکی فراکسیۆنی سادیقون رایگەیاند، هەوڵی لایەنەکان بۆ تێپەڕاندنی چەند برگە و مادەیەک کە تایبەت بوو بە "لایەن و کەسایەتییەکان، هۆکاری سەرەکی پەسەندنەکردنی بودجە بووە".
ئاوێنه: عەدنان فەیحان، سەرۆکی فراکسیۆنی سادیقون لەپەرلەمانی عێراق بەرۆژنامەنوسانی راگەیاندوە، "سوپاسی هەوڵی پەرلەمانتاران دەکەین بۆ رێکخستنەوەی پڕۆژەیاسای بودجە و کارکردنیان بۆ پەسەندکردنی لەزوترین کاتدا، پڕۆژەیاسای بودجەی عێراق نمونەیی و بێ کەموکورتی نیە، بەڵام پڕۆژەیەکی باشە بە لەبەرچاوگرتنی دۆخی ئێستای سیاسی و ئابوری.
ئاماژەی بەوەشکردوە، "پێداگری هەندێک لەپەرلەمانتاران بۆ تێپەڕاندنی چەند برگە و مادەیەک کە تایبەت بووە بە لایەن و کەسایەتییەکان، هۆکاری سەرەکی پەسەندنەکردنی بودجە بوو و وایکرد پەسەندکردنی پرۆژەکە بۆ شەممەی داهاتوو دوابخرێت".