وەزارەتی تەندروستی میسر رایگەیاند، ئەمڕۆ
هەینی لە ئەنجامی پێكدادانی نێوان دو شەمەندەفەر لە شاری "تەهتا"ی
ناوەندی پارێزگای سوهاج، 32 هاوڵاتی گیانیان لەدەستداوەو 66 هاوڵاتی دیكەش
برینداربون.
ئاوێنە: جێگری وەزیری تەندروستی میسر، بە
میدیاكانی راگەیاند، بە 36 ئەمبوڵانس بریندارەكان و تەرمەكان گوازراونەتەوە بۆ
نەخۆشخانەكانی ئەو پارێزگایە.
هێمای بۆ ئەوەش كردوە كە ژورێكی قەیران و
فریاكەوتنیان لە پارێزگاكە پێكهێناوە بۆ چاودێریكردنی لێكەوتەكانی روداوەكە.
لە تۆڕە كۆمەڵایەتییەكان كۆمەڵێك وێنەو
گرتەی ڤیدیۆیی روداوەكە بڵاوكراونەتەوە كە قەبارەی سامناكی روداوەكە نیشان دەدەن.