ژمارەیەك پەرلەمانتار داوا دەكەن كۆتایی بە لێبڕینی موچە بهێندرێت
  2021-04-07       169       
سەرۆكایەتیی پەرلەمانی كوردستان داوای ئەو ژمارە پەرلەمانتارەی ڕەتكردەوە كە داوایانكردبوو پرسی لێبڕینی موچە لە كارنامەی دانیشتنی ئەمڕۆدا هەبێت، یەكێك لەو پەرلەمانتارانەش دەڵێت، “لەسەر فشارەكانمان بەردەوام دەبین”.

ئاوێنە: ئاشنا عەبدوڵا، ئەندامی پەرلەمانی كوردستان لە كۆنگرەیەكی ڕۆژنامەوانیدا وتی، “ئێمە وەك ژمارەیەك پەرلەمانتار، داوامان كرد بڕگەیەك زیاد بكرێت بۆ دانیشتنی پەرلەمانی كوردستان، تایبەت بە لێبڕینی موچە”.

ئەوەشی خستەڕوو، “بەڵام بەداخەوە، لەڕێگەی سكرتێری پەرلەمانی كوردستانەوە ئاگادار كراینەوە، كە ناتوانن ئەو بڕگەیە بۆ كارنامەی دانیشتنی ئەمڕۆ زیاد بكەن، چونكە ئەنجومەنی وەزیران ناتوانێت ئامادەی دانیشتنی پەرلەمان بێت”.

ئاشنا عەبدوڵا ڕاشیگەیاند، “پێویستە پەرلەمانی كوردستان دەسەڵاتی خۆی بەكاربهێنێت و كۆتایی بە لێبڕینی موچە بهێنێت، پەرلەمان دەسەڵاتێكی سەربەخۆی هەیە و دەسەڵاتی یاسادانانە دەبێت ڕۆڵی خۆی ببینێت”.

ئاشكراشیكرد، “لەسەر فشارەكانمان بۆ كۆتاییهێنان بە لێبڕینی موچە بەردەوام دەبین، ئەمڕۆش بەشداری دانیشتنی پەرلەمانی كوردستان دەكەین”.
زۆرترین بینراو
© 2021 Awene Online, Inc. All Rights Reserved.
×