شارەزایەكی بواری كەشناسی هۆشداری دەدات و داوا لە هاووڵاتیان دەكات لە ماڵەكانیان بمێننەوە.
ئاوێنه: محەمەد كەمال شارەزای بوارى كەشناسی داوا لە هاووڵاتیان دەكات” ئەمشەو و سبەینێ لەكاتی دەستپێكردنی كاریگەری شەپۆلی بارانبارینەكە و ڕوودانی هەورە بروسكە بەهیچ شێوەیەك نەڕۆنە دەرەوە و لەماڵەوە بمێننەوە”.
ئەو شارەزایەی بواری كەشناسی هۆكاری ئەو داوایەشی ئاشكرا دەكات و ڕایدەگەیەنێت”چونكە هەورەكان بەتەواوی بارگاوی دەبن و بارگەی ( سالب + موجەب ) دروستدەبێت و هەورە بروسكەكان لە زەوی دەدەن.