مستەفا كازمی، سەرۆك وەزیرانی عێراق، رایگەیاند،
لە دادگای فیدراڵی تانە لە هەندێك بڕگەی یاسای بودجە دەدەین چونكە كاریگەرییان
لەسەر كەرتەكانی كارەباو تەندروستی و چەند كەرتێكی دیكە هەیە.
ئاوێنە: بەپێی
راگەیەندراوێكی نوسینگەكەی، ئەو وتانەی كازمی، ئەمڕۆ پێنجشەممە، لەمیانی وتارێكدا
هاتون كە لە دیداریدا لەگەڵ كۆمەڵێك لە سەرۆك عەشیرەت و كەسایەتییەكاندا لە
پارێزگای موسەننا پێشكەشی كردوە.
سەرۆك وەزیرانی
عێراق لە وتەكەیدا ئاماژەی بەوەداوە كە حكومەت چەند رێكارێكی دژواری لەپێناو
چاكسازیدا گرتونەتەبەر ئەوەش لەپێناو پاراستنی وڵات لەڕوی دارایی و ئابورییەوە.
وتوشیەتی"لە
دادگای فیدراڵی تانە لە هەندێك بڕگەی بودجە دەدەین، چونكە چەند بڕگەیەك هەن
كاریگەرییان لەسەر كەرتەكانی كارەباو تەندروستی و چەند كەرتێكی دیكە هەیە."
كازمی ئەوەشی
خستۆتەڕو، كێشەكانمان سەرەتا پێویستیان بە ئیدارەدانێكی راست هەیەو پاشان
پێویستیان بە بەرنامەیەكی دروست هەیە بۆ چارەسەركردنیان.