خۆكوژێك هەوڵیدا خۆی بكات بەناو بارەگای بەڕێوەبەرایەتی ئاسایشی نیشتمانی لە كەركوك، بەڵام لەلایەن پاسەوانەكانەوە تەقەی لێكرا و بەهۆی ئەوەشەوە تەقیەوە و دوو پاسەوان بریندار بون.
ئاوێنه: سەرچاوەكانی هەواڵی عێراقی لە زاری سەرچاوە ئەمنییەكانەوە بڵاویانكردووەتەوە: خۆكوژێك هەوڵی داوە هێرش بكاتە سەر بارەگای بەڕێوەبەرایەتی ئاسایشی نیشتمانی لە كەركوك كە دەكەوێتە ناوەڕاستی شارەكە.
ئەوەش هاتوە، بەڵام لەلایەن پاسەوانەكانی بارەگاكە هەستی پێكراوە و تەقەی لێكراوە، ئەوەش بوەتە هۆی تەقاندنەوەی لە دەرەوەی پەرژینی بارەگاكە.
بەپێی زانیاریەكان، بەهۆی تەقینەوەكەوە دوو ئەندامی پاسەوانی بەڕێوەبەرایەتییەكە بریندار بون.