2021-08-08 431
وەزارەتى کارەبای هەرێم لەراگەیەنراوێکدا ئاماژە بەوەدەکات، بەتایبەتی کردنی کەرتی دابەشکردنی کارەبا لە قوناخی کۆتایی دایە و لە سەرەتاکانی مانگی ئەیلوول بۆ پێدانی بە کەرتی تایبەت ئامادە دەکرێت.
ئاوێنە: هەروەها باسی لەوەشکردووە، بۆ کۆتاییهێنانی پرۆسەکە، کەمال محمدساڵح وەزیری کارەبا رۆژی یەکشەم، لەگەڵ بریکار و بەڕێوەبەڕانی گشتی دابەشکردن و پارێزگاکان کۆ بووەوە و باسیان لە دوا قوناخی ئامادەکردنی گرێبەستەکان بۆ بەتایبەتی کردنی کەرتی دابەشکردنی کارەبا کرد.
وەزارەتى کارەبا جەختى لەوەکردووەتەوە، بەتایبەتی کردنی کەرتی دابەشکردنی کارەبا، دەبێتە هۆی باشترکردنی دۆخی پیدانی کارەبا و کەمکردنەوەی سەرپێچی و بەفیڕۆدانی کارەبا.