بافڵ تاڵەبانی، هاوسەرۆكی یەكێتیی نیشتمانیی كوردستان، رایگەیاند،
گۆڕانكارییەكانی ناو یەكێتی بۆ "راستكردنەوەی هەڵەكان بوە" و "چاكسازییەكانیش
بەردەوام دەبن و لە داهاتودا ئەنجامی دڵخۆشكەر دەبینن."
ئاوێنە: بەگوێرەی راگەیەندراوێكی نوسینگەكەی، ئەو قسانەی بافڵ تاڵەبانی،
ئەمڕۆ پێنجشەممە، لەمیانی سەردانیدا هاتون بۆ هەر یەک لە هێزەکانی
پشتیوانی دو، لیوای سێ و حەوتی تایبەت.
بەپێی راگەیەندراوەكە لەبارەی گۆڕانکارییەکانی ناوخۆی یەکێتییەوە
بافڵ تاڵەبانی، وتویەتی"هەمو ئەو گۆڕانکارییانەی کراون لەپێناو بەرژەوەندی
گشتی و پاراستنی شکۆی یەکێتی بوە. گەڕانەوە بوە بۆ ڕێبازە پیرۆزەکەی مام و
راستکردنەوەی هەڵەکان بوە."
جەختیشی كردۆتەوە كە "گۆڕانکاری و چاکسازییەکانیش بەردەوام
دەبن و لە داهاتودا ئەنجامی دڵخۆشکەر دەبینن."