نێچیرڤان بارزانی، سەرۆکی هەرێمی کوردستان داوادەکات یادی عاشوورا ببێتە هاندانێک بۆ سڕینەوەی بیر و رۆشنبیریی تووندوتیژیی و تووندئاژۆیی و وەلانانی ناکۆکییەکان.
ئاوێنه: نێچیرڤان بارزانی سەرۆکی هەرێمی کوردستان، بەبۆنەی یادی عاشوورا لە تویتێکدا لە تویتەری تایبەتی خۆی داوا دەکات یادی عاشوورا "ببێتە هاندانێک بۆ سڕینەوەی بیر و رۆشنبیریی تووندوتیژیی و تووندئاژۆیی و وەلانانی ناکۆکییەکان. ببێتە ئیلهامێک بۆ بەهێزکردن و سووربوون لەسەر خۆشەویستی و بنەماکانی لێبوردەیی پێکەوەژیان نێوان سەرجەم پێکهاتەکانی گەل، بەمەبەستی بەرقەرارکردنی سەقامگیریی لە وڵاتەکەمان".
هاوکات سەرۆکی هەرێمی کوردستان خوازیارە تەواوی گەلانی جیهان لە ئاشتی و خۆشگوزەرانی دابن.
نێچیرڤان بارزانی
سەروکی هەرێمی کوردستان
2021/8/19