2021-08-22   338     
هاوپهیمانی فهتح كه هادی عامری سهرۆكایهتی دهكات ئهمڕۆ یهكشهممه رایگهیاند، زۆرینهی هێزه سیاسییهكان لهگهڵ ئهنجامدانی ههڵبژاردنی پێشوهختدان لهوادهی دیاریكراوی خۆی، بهڵام چهند لایهنێكی ناوخۆیی و دهرهكی لهههوڵی دواخستنیدان.
ئاوێنە: ئهحمهد كینانی ئهندامی هاوپهیمانی فهتح له ئهنجومهنی نوێنهرانی عێراق رایگهیاند، زۆرینهی هێزه سیاسییهكان لهگهڵ ئهنجامدانی ههڵبژاردنی پێشوهختی پهرلهمانی عێراقدان له مانگی (تشرینی یهكهم/10)ی داهاتو، بهڵام ههندێك لایهنی ناوخۆیی و دهرهكی به شێوهیهكی كاریگهر كار دهكهن بۆ دواخستنی ئهم ههڵبژاردنانه و ئهنجامنهدانی لهكاتی خۆیدا.
ترسیان ههیه كه كاریگهری ئێستای خۆیان له دوای ههڵبژاردنی پێشوهختهی پهرلهمان له دهستبدهن
وتیشی، "ئهم لایهنه ناوخۆیی و تهنانهت دهرهكیانه ترسیان ههیه كه كاریگهری ئێستای خۆیان له دوای ههڵبژاردنی پێشوهختهی پهرلهمان له دهستبدهن، بۆیه ههمو ههوڵێك دهدهن كه پرۆسهی ههڵبژاردنهكان دوابخرێت".
31ی (تهموز/7)ی 2020 مستهفا كازمی سهرۆك وهزیرانی عێراق رۆژی 6-6-2020 بۆ ئهنجامدانی ههڵبژاردنی پێشوهخت دیاریكرد، بهڵام لهسهر داواكاری كۆمسیۆنی باڵای ههڵبژاردنهكان، پرۆسهی ههڵبژاردنی پێشوهخت بۆ 10-10-2021 دواخرا.