مەسرور بارزانی،
سەرۆكی حكومەتی هەرێم و بەرهەم ساڵح، سەرۆك كۆماری عێراق جەخت لە پێویستی
بەڕیوەچونی هەڵبژاردنێكی پاك و بێگەرد دەكەنەوە كە ماف و خواستی سەرجەم پێكهاتەكانی
عێراق دەستەبەر بكات و ببێتە ھۆی سەقامگیربونی دۆخی عێراق.
ئاوێنە: بەپێی
راگەیەندراوێكی حكومەتی هەرێمی كوردستان، ئەمڕۆ هەینی مەسرور بارزانی، سەرۆکی حکومەتی
هەرێمی کوردستان، پێشوازی لە بەرهەم ساڵح، سەرۆک کۆماری عێراق کرد.
لە دیدارەکەدا،
دوا پەرەسەندنەکانی عێراق و ناوچەکەو پەیوەندییەکانی نێوان هەرێمی کوردستان و حکومەتی
فیدراڵی تاووتوێ کرا و جەخت لە پێویستیی چارەسەركردنی، كێشە هەڵپەسێردراوەكانی نێوان
حكومەتی فیدراڵی و هەرێمی کوردستان، لە سەر بنەمای دەستور کرایەوە .
لەتەوەرێكی دیکەی
كۆبونەوەكەدا، گفتوگۆ دەربارەی هەڵبژاردنەکانی ئەنجومەنی نوێنەرانی عێراق کرا، کە
پێویستە هەڵبژاردنێكی پاك و بێگەرد بەڕێوە بچێت، كە ماف و خواستی سەرجەم پێكهاتەكانی
عێراق دەستەبەر بكات و ببێتە ھۆی سەقامگیربونی دۆخی عێراق.