وەزارەتی تەندروستی حكومەتی هەرێمی كوردستان، ئێوارەی ئەمڕۆ یەكشەممە، رایگەیاند،
لەماوەی 24 سەعاتی رابردودا 268 كەسی دیكە توشی كۆرۆنا بون و هاوكات ژمارەی
گیانلەدەستدان بە ڤایرۆسەكە هەڵكشاوە بەشێوەیەك كە 14 توشبوی دیكەی كۆرۆنا گیانیان
لەدەستداوە كە زۆرترینیان لە سلێمانی بون.
ئاوێنە: وەزارەتی تەندروستی لەراگەیەندراوێكدا ئاماری 24 سەعاتی رابردوی كۆرۆنای
لە هەرێمی كوردستان خستەڕو.
بەگوێرەی راگەیەندراوەكە لەماوەی 24 سەعاتی رابردودا چوار هەزارو 772 پشكنینی
نوێ ئەنجامدراون و بەپێی ئەنجامەكان ژمارەی توشبوانی نوێی كۆرۆنا كەمتر بوە لەو
توشبوانەی لە ڤایرۆسەكە چاكبونەتەوە بەشێوەیەك 268 توشبوی نوێی كۆرۆنا تۆماركراون
و 404 توشبوش چاكبونەتەوە.
وەزارەتی تەندروستی هەرێم ئاماژەی بەوەشداوە كە لەماوەی 24 سەعاتی رابردودا
14 توشبوی دیكەی كۆرۆنا گیانیان لەدەستداوە: 3 لە هەولێر، 6 لە سلێمانی، 4 لە دهۆك،
1 لە گەرمیان.
دەقی راگەیەندراوەكە:
