وەزارەتی تەندروستی و ژینگەی عیراق گەیشتنی كاروانێكی تری ڤاكسینی دژە كۆرۆنای راگەیاند.
ئاوێنە: بەپێی راگەیەنراوێك وەزارەتی تەندروستی ئاماژەی بەوەكردوە كە پاش بەدەستگەیشتنیان ڤاكسینەكان دابەشدەكەن بەسەر پارێزگاكاندا.
لەوبارەیەشەوە كۆمپانیای گشتی بە بازاڕكردنی دەرمان و پێداویستییە پزیشكییەكانی وەزارەتی تەندروستی رایگەیاندوە، كاروانێكی نوێی ڤاكسینی دژە كۆرۆنا لەجۆری فایزەر گەیشتە فڕۆكەخانەی نێودەوڵەتی بەغدا كە زیاتر لە یەك ملیۆن ڤاكسینە.
راشیگەیاندوە، لە یەك كاتدا دەستیانكردوە بە دابەشكردن و رەوانەكردنی ڤاكسینەكان لەناو بەرادی تایبەتدا بۆ سەرجەم پارێزگاكانی عیراق بە هەرێمی كوردستانیشەوە.