بەمەبەستی هاوکاریکردنی ئەو خێزانانەی بەهۆی بومەلەرزەکانی باکوور و رۆژهەڵات و رۆژئاوای کوردستان زیانیان بەرکەوتووە کەمپینی کۆکردنەوەی هاوکاری لە سلێمانی دەستی پێکرد.
ئاوێنە: ئەمڕۆ سێشەممە، ئاوات محەمەد، قائیمقامی سلێمانی لە دەستپێکی کەمپینەکەدا کە لە بینای مۆزەخانەی نیشتیمانی ئەمنەسورەکە بەڕێوەدەچێت، رایگەیاند سلێمانی دەستپێشخەری کردووەو هاوخەمی لێقەوماوانەو خۆمان بە کەسوکاریان دەزانین.
وتیشی: داوا لە هاووڵاتییان و خەمخۆران و سەرماداران دەکەین بەشداربن لەم کەمپینە بۆئەوەی بتوانین کەمێک لەخەمی ئەو کەسوکارانەمان کەم بکەینەوە و تا ئێستاش بەشێکی زۆری سەرمایەداران و هاوڵاتیان پشتگیری خۆیان بۆ ئەم کەمپینە دەربڕیوە.
قائیمقامی سلێمانی سوپاسی دەزگای میدیایی کوردسات و هەموو ئەو رێکخراوانەی کرد کە سەرپەرشتی کەمپینەکە دەکەن و پشتگیری خۆی بۆ دووپاتکردنەوە.