ئەنجومەنی وەزیرانی عێراق بڕیاریدا هەمواری یاسای دەزگای شەهیدانی فیدراڵ، خانەوادەی شەهیدانی پێشمەرگەو هێزە ئەمنییەكان لەو ناوچانە بگرێتەوە كە دەكەونە دەرەوەی هەرێمی كوردستان.
ئاوێنە: بەپێی راگەیەندراوێكی نوسینگەی راگەیاندنی سەرۆك وەزیرانی عێراق، لە كۆبونەوەی ئەمڕۆیدا، ئەنجومەنی وەزیران رەزامەندی دا لەسەر ئەوەی كە فەرمانگەی یاسایی لە ئەمیندارێتی گشتی ئەنجومەنی وەزیران، پڕۆژە یاسای هەمواری یاسای دەزگای شەهیدان ئامادەبكات.
ئەوەشی خستۆتەڕو كە هەموارەكە بەشێوەیەك ئامادەبكرێت كە خانەوادەی شەهیدانی پێشمەرگەو هێزە ئەمنییەكانی دیكە لە ناوچەكانی دەرەوەی هەرێمی كوردستان بگرێتەوە.
بەگوێرەی راگەیەندراوەكە، هەموارەكە لەدوای ئامادەكردنی رەوانەی پەرلەمانی عێراق دەكرێت.