بەڕێوەبەری هاتووچۆی سلێمانی ڕایدەگەیەنێت پێشوازیان كردووە لە سەرۆكی دادگای تێهەڵچونەوەی ناوچەی سلێمانی كردوە بیرۆكەی دامەزراندنی دووداگای تایبەتمەند بۆتاوانەكانی هاتووچۆ و وەكێشە یاساییەكان تاوتوێ كراوە.
ئاوێنه: ئەمڕۆ دووشەممە بەرێوەبەرایەتی پۆلیسی سلێمانی ڕایگەیاند: بەڕێوەبەری هاتووچۆی سلێمانی عمیدی مافپەروەر (عومهر نامق حسێن) لەگەڵ چەند بەڕێوەبەری بەشە تایبەتمەندەکان پێشوازییان کرد لە بەڕێز دادوەر (جاسم جزا جافر) سەرۆکی دادگای تێهەڵچوونەوەی ناوچەی سلێمانی.
ئەوەش خراوەتەڕوو: تەوەری سەردانەکە گفتوگۆکردن بوو دەربارەی هەماهەنگی زیاتر لە نێوان بەڕێوەبەرایەتی هاتووچۆی سلێمانی و دادگاکان، هەروەها تاوتوێی بیرۆکەی پێویستی دامەزراندنی دوو دادگای تایبەتمەند بۆ تاوانەکانی هاتووچۆ وە کێشە یاساییەکانیان لەژێر ناونیشانی (دادگای لێکۆڵینەوە و دادگای کەتن)، کە بەهۆی ئەمەوە کارئاسانی زیاتر دەکەن بۆ خێرا ڕاپەڕاندنی کەیسەکانی هاتووچۆ و کەمکردنەوەی ڕۆتین و کاتی لێکۆڵینەوە بۆ هاوڵاتییان.
لای خۆیەوە بەڕێوەبەری هاتووچۆی سلێمانی ووتی: پشتیوانی تەواو بۆ جێبەجێکردنی یاساکانی هاتووچۆ لە چوارچێوەی یاسا پەیڕەوکراوەکاندا دەكەین وهەروەها هەوڵ دەدەن بۆ زوو جێبەجێکردنی ئەم هەنگاوە لە پێناو سەروەری یاساو بەرژەوەندی گشتی.