پۆلیسی بەسرە رایگەیاند، لەچوارچێوەی هەڵمەتێكدا لەناو شاری بەسرە دەیان سواڵكەر دەستگیركران كە سەرجەمیان خەڵكی پارێزگاكانی باكور و هەرێمی كوردستانن.
ئاوێنە: بەڕێوەبەرایەتی پۆلیسی بەسرە لە راگەیەندراوێكدا وتی، لە چوارچێوەی هەڵمەتێكی فراواندا بۆ دەستگیركردنی ئەو كەسانەی سواڵدەكەن لەناو شاری بەسرە، 50 منداڵ، 30 ژن و 15 پیاو كە بەشێوەی خانەوادە بون، دەستگیركران.
ئەوەشی خستۆتەڕو، سەرجەم ئەو سواڵكەرانەی دەستگیركراون خەڵكی پارێزگاكانی باكورو هەرێمی كوردستانن و لە چەند هۆتێلێكی بەسرە دەمانەوە.
پۆلیسی بەسرە ئاماژەی بەوەشداوە كە بە بڕیاری دادگاو بەپێی ماددەی پێنج لە یاسای بازرگانیكردن بە مرۆڤەوە، فەرمانی راگرتنی سەرجەمیان دراوە و هەڵمەتەكەش بەردەوامە.