به‌رێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێم رایگه‌یاند، ئه‌مڕۆ و سبه‌ی سێشه‌ممه كه‌شوهه‌وای ناوچه جیاجیاكانی هه‌رێم ساماڵ ده‌بێت و پله‌كانی گه‌رما به‌رزده‌بنه‌وه، به‌رزترین پله‌ی گه‌رماش له گه‌رمیان و 31 پله‌ی سیلیزی ده‌بێت.
به‌رێوه‌به‌رایه‌تی گشتی كه‌شناسی و بوومه‌له‌رزه‌زانی له‌ڕاگه‌یه‌ندراوێكدا بڵاویكرده‌وه، ئه‌مڕۆ دووشه‌ممه ئاسمان ساماڵ ده‌بێت له‌زۆربه‌ی كاته‌كاندا، خێرای با له‌سه‌رخۆ و مامناوه‌ند له‌نێوان 10-20 كیلۆمه‌تر له‌كاتژمێرێكدا ده‌بێت.
ئاماژه‌ی به‌وه‌شكردوه، سبه‌ی سێشه‌ممه ئاسمان ساماڵ و په‌ڵه هه‌ور ده‌بێت، پله‌كانی گه‌رماش چه‌ند پله‌یه‌ك به‌رزده‌بنه‌وه.
به‌رزترین پله‌كانی گه‌رمای پێشبینیكراو به پله‌ی سیلیزی
هه‌ولێر : 26
سلێمانی : 25
دهۆك : 27
زاخۆ : 28
هه‌ڵه‌بجه : 26
كه‌ركوك : 29
سۆران : 25
حاجی ئۆمه‌ران : 19
گه‌رمیان : 31