سەرچاوەیەکی ئاگادار لە وەزارەتی دارایی و ئابووری هەرێم رایگەیاند: " پێش جەژن ئامادەکارییان کردووە و بەشێک لە دامودەزگاکان لیستی مووچەی مانگی چواریان ئامادە کردووە و ناردوویانە بۆ وەزارەتی دارایی هەرێم.
باسی لەوەشکرد، ئەو وەزارەتانەی لیستی مووچەیان تەواو نەکردووە، بڕیارە لە رۆژی یەکشەممەوە لیستەکانیان تەواو بکەن و رەوانەی دارایی هەرێم بکرێت تا ئەوانیش رەوانەی بەغدای بکەن.
جەختیشیکردەوە، بە گەیشتنی پارەکەی بەغداد بۆ هەرێم، دەست بە دابەشکردنی مووچەی مانگی چوار دەکرێت.