دانا عەبدولكەریم، وەزیری ئاوەدانكردنەوەو نیشتەجێكردن رایگەیاند، سەرۆكی
حكومەتی هەرێمی كوردستان 30 ملیار دیناری تەرخان كردوە بۆ چاككردنەوەو سیانەكردنی
رێگاوبانەكانی هەرێم ئەوە بە هەنگاوێكی باش لە قەڵەم دەدات.
ئاوێنە: دانا
عەبدولکەریم، ئەمڕۆ دوشەممە، لە لیدوانێکیدا بۆ ماڵپەڕی رەسمیی پارتی رایگەیاند "لەو
٣٠ ملیار دینارە ١٠ ملیار دینارمان تەرخان کردوە بۆ رێگاوبانەکانی دهۆک و لەهەفتەی
داهاتوەوە دەکەوێتە بواری جێبەجێکردن."
هێمای بۆ ئەوەش كرد كە پلانی چوار ساڵی
داهاتوی وەزارەتەكەیان رادەستی سەرۆکایەتیی ئەنجومەنی وەزیران کردوە تاکو ڕەزامەندیی لەسەر
بدرێت.
دەربارەی رێگای
ستراتیژیی نێوان هەولێر و دهۆکیش وتی"ئەو ڕیگایە لە کۆتایی کارەکانیدایە و لە
ماوەیەکی نیزیکدا تەواو دەبێت."