2019-01-24   627     
رێكاریی پێویست دەگیرێتەبەر بۆ هاوردەكردنی مریشك، بۆ ئەم مەبەستە ئاوات موحەمەد، قایمقامی پارێزگای سلێمانی لەگەڵ لیژنەی دیاریكردنی بەروبومی ئاژەڵیو پەلەوەری پارێزگای سلێمانی كۆدەبێتەوە.
ئاوێنە: ئەمرۆ "پێنج شەممە" 24 لە دیوانی قائیمقامیەت ئاوات محەمەد، قائیمقامی سلێمانی لەگەڵ لیژنەی دیاری كردنی بەروبومی ئاژەڵی و پەلەوەری پارێزگای سلێمانیدا، بەبەشداری نوێنەری چاودێری بازرگانی و ئاسایشی ئابوری و ڤێتێرنەری و كۆمەڵەی گەشەپێدانی خانوی پلاستیكی و ژوری بازرگانی و هاوردە و هەناردەكاران كۆبویەوە، پاش هەڵسەنگاندن بۆ ئاستی بەرهەمهێنانی بەروبومی ناوخۆیی بڕیاردرا پێداچونەوە بەبڕی ئەو بەروبوم و پێداویستیانەدا بكرێت كە هاوردەی پارێزگای سلێمانی دەكرێت.
ماڵپەری فەرمی قایمقامیەتی سلێمانی لەزاری رزگار حەمەد خدر، جێگری بەڕێوەبەری كشتوكاڵی سلێمانی نوسیویەتی "بەهۆی زۆربونی پرۆژە پەلەوەریەكان و بەرزبونەوەی ئاستی بەرهەمی ناوخۆ، هاوردەكردنی بەروبومە پەلەوەریەكان كەمكراونەتەوە و هاوردەی مریشكیش لە سەرەتای مانگی شوباتەوە بۆ ماوەی مانگێك بەتەواوی قەدەغە دەكرێت، چونكە لە سنوری پارێزگای سلێمانیدا (750) هۆڵی پەلەوەری هەیە كە توانای بەرهەمهێنانی (25-30)ملیۆن مریشكیان هەیە".
رزگار حەمەد خدر دەڵێت "لە بڕی بەروبومە هاوردەكراوەكان رەچاوی زیادبونی بەرهەمی ناوخۆ و كەمبونەوەی بەكارهێنان لەوەرزەكاندا كراوە، بۆیە بڕیاردرا بە هاوردەكردنی بڕی 800 تۆن ماسی و 500 تۆن گۆشتی سور و 510 تۆن هێلكە و (5000)سەر ڕەشە وڵاخ بۆ مانگی شوبات".