نیوەڕۆی ئەمڕۆ چوارشەممە ئۆتۆمبێلێكی بۆمبڕێژكراو لە ناوەڕاستی شاری
قامیشلۆ-ی رۆژئاوای كوردستان تەقییەوەو لەئاكامدا كەسێك بریندار بو.
ئاوێنە: ئاژانسی هاوار نیوز بڵاویكردەوە ئۆتۆمبێلەكە دوای ئەوەی وەستاوە
لەناوچەی "چوارگۆشەی ئەمنی" بەرامبەر بە دەزگای پۆستە لەسەر رێگای
عامودا لە شاری قامیشلۆ تەقیوەتەوە.
بەپێی قسەی مانگی
سوری كوردی لە تەقینەوەكەدا كەسێك بریندار بوە.
ئاژانسی هاوار
نیوز هێمای بۆ ئەوەش كردوە كە ئۆتۆمبێلەكە لە جۆری فۆكس بوە.
لەسەر ئۆتۆمبێلەكە
بە زمانی توركی نوسراوە:SAHIN
OTO GALERI KONYA (پێشانگای ئۆتۆمبێلی شاهین. كۆنیا)و هەروەها
ژمارە تەلەفۆنێكی توركیاشی لەسەرە.