بەهۆی زۆر بونی ئاوەوە دەستکراوە بە بەردانەوەی ئاوی دەربەندیخان قایمامیەتی قەزای کەلاریش هۆشداری ده‌داته‌ ئه‌وانه‌ی كه‌ له‌نزیكى روباره‌كه‌ خه‌ریكى ئاژه‌ڵدارى و كشتوكاڵ و هه‌ر كارێكى دیكه‌ن، خۆیان له‌‌ روباره‌كه‌ به‌ دوربگرن.

ئاوێنە: ئەمڕۆ (پێنجشەممە)، قایمقامیه‌تى قەزای کەلار لەڕاگەیەنراوێکدا  ئاگادارى هاوڵاتیانى سنورى شارى كه‌لار-ی كرده‌وه‌و رایگه‌یاند"به‌نداوى ده‌ربه‌ندیخان دو هێنده‌ى پێشوترى ڕێژه‌ى به‌ردانه‌وه‌ى ئاو زیاتر ده‌كات بۆ ئه‌و مه‌به‌سته‌ داواتان لێده‌كه‌ین به‌ تایبه‌تى ئه‌وانه‌ى له‌ نزیكى روباره‌كه‌ خه‌ریكى ئاژه‌ڵدارى و كشتوكاڵ و هه‌ر كارێكى دیكه‌ن له‌ سنورى باوه‌نور بۆ خواروى شێخ له‌نگه‌ر خۆتان له‌ روباره‌كه‌ به‌ دوربن بگرن چونكه‌ ئاوه‌كه‌ زیاتر ده‌بێت و ئێواره‌ى ئه‌مرۆ زیادبونه‌كه‌ ده‌گاته‌ ناوچه‌كه‌."

لەڕاگەیەنراوەکەی قایمقامیەتدا ئەوەش هاتوە، بەوتەی ره‌حمان خانى  به‌رێوه‌به‌رى به‌نداوى ده‌ربه‌ندیخان، به‌هۆى زۆربونى ئاو ئه‌مڕۆ پێنجشه‌ممه‌ 7ى شوبات، ده‌ستیان كردوه‌ به‌ به‌ردانه‌وه‌ى ئاوى به‌نداوه‌كه‌ و  سبه‌ینێش ڕیژه‌كه‌ زیاتر ده‌كه‌ن بۆ 500 مه‌تر سێجا له‌ چركه‌یه‌كه‌دا.

ڕونیشیکردوەتەوە، به‌ردانه‌وه‌ى ئاوه‌كه‌ دو هێنده‌ى پێشوتر زیاتر ده‌كه‌ن و بۆ ئه‌و مه‌به‌سته‌ش پێویسته‌ هاوڵاتیان و به‌ تایبه‌تى ئه‌وانه‌ى نزیكن له‌ ڕوبارى سیروان ئاگاداربن و توشى گرفت نه‌بن.