"پارككردنی ئۆتۆمبێل له‌ سایدی ده‌سته‌چه‌پی شه‌قامه‌ خزمه‌تگوزاریه‌كانی‌ بازنه‌یی مه‌لیك مه‌حمود قەدەغەیە"
  2019-02-10       640       


به‌مه‌به‌ستی كه‌مكردنه‌وه‌ی لۆد و قه‌ره‌باڵغی شه‌قامه‌كان، بەرێوەبەری هاتوچۆی ناوشار ئاگاداری شۆفێران دەکات پارككردنی ئۆتۆمبێل له‌ سایدی ده‌سته‌چه‌پی شه‌قامه‌ خزمه‌تگوزاریه‌كانی‌ بازنه‌یی مه‌لیك مه‌حمود قەدەغەیە.

ئاوێنە، قایمقامیەتی پارێزگای سلێمانی: به‌ڕێوه‌به‌ری به‌ڕێوه‌به‌رایه‌تی هاتوچۆی ناوشار، مقه‌ده‌م فه‌خره‌دین ئه‌مین رایگه‌یاند؛ پلانی نوێی به‌ڕێوه‌به‌رایه‌تی هاتوچۆی ناوشار بۆ كه‌مكردنه‌وه‌ی لۆدی شه‌قامه‌كان رێگری كردنه‌ له‌ وه‌ستان و پارك كردنی ئوتومبیل له‌ شه‌قامه‌ خزمه‌تگوزاریه‌كانی بازنه‌یی مه‌لیك مه‌حمود.

وتی؛ به‌هۆی پارككردنی ئوتومبێل لۆدێكی زۆری له‌ شه‌قامه‌كان‌ دروستكردوه‌، بۆیه‌ له‌ ئێستاوه‌ ئاگاداریمان بڵاوكردۆته‌وه‌ كه‌ له‌ به‌رواری 2.17‌ هه‌ر شوفێرێك ئوتومبیله‌كه‌ی پارك بكات به‌پێی یاسا پسوڵه‌ی سه‌رپێچی بۆ ده‌كرێت به‌ڵام پابه‌ندی یاسا نه‌بێت ئه‌وا ئوتومبێله‌كه‌ی ره‌وانه‌ی گه‌راجی ده‌ست به‌سه‌رداگرتن ده‌كرێت.

 وتیشی؛ ئه‌و ئوتومبێلانه‌ی‌ شه‌قامی بازنه‌یی مه‌لیك مه‌حمود به‌كارده‌هێنن بۆ فرۆشتنی ماسی یاخود سه‌وزه‌ ومیوه‌ به‌هه‌مانشێوه‌ رێگریان لێده‌كرێت و پێویسته‌ شه‌قامه‌كه‌ چۆڵ بكه‌ن.

ده‌رباره‌ی هێڵه‌كانی په‌ڕێنه‌وه‌ و دانانی به‌ربه‌ست (محاجه‌ره)‌ بۆ به‌شێك له‌ شه‌قامه‌كان‌ وتیشی؛ له‌ئێستادا سه‌رقاڵێ گفتوگۆ و دۆزینه‌وه‌ی رێگه‌چاره‌ی كه‌مكردنه‌وه‌ی گرفتی په‌ڕینه‌وه‌ی هاوڵاتیان و دانانی به‌ربه‌ستین بۆ به‌شێك له‌شه‌قامه‌كان، بۆئه‌وه‌ی له‌كاتی په‌ڕینه‌وه‌دا روداوی نه‌خوازراو له‌سه‌ر شه‌قامه‌كان روونه‌دات.  

مقدم فه‌رخره‌دین ئه‌مین راشیگه‌یاند؛ له‌كاتی گۆڕینی پلانی ئاراسته‌ی شه‌قامه‌كان به‌هاوكاری هاوڵاتیانی شاری سلێمانی توانیویانه‌ سه‌ركه‌وتووبن و داواشی كرد بۆ رێكخستنه‌وی ناوشار و كه‌مكردنه‌وه‌ی قه‌ره‌باڵغی هاوكاری به‌ڕێوه‌به‌رایه‌تی هاتوچۆی سلێمانی بكه‌ن كه‌ پلانه‌كانی له‌پێناو ‌خزمه‌تی گشتییدایه‌‌.


زۆرترین بینراو
سه‌رۆك وه‌زیرانى ئیسرائیل هه‌ڕه‌شه‌ له‌عێراق ده‌كات
جەهەپە: ئاکەپە ئامادەکاری دەکات سەرۆک شارەوانییەکانی ئیستەنبوڵ‌و ئەنقەرەش دوربخاتەوە
یەکێتی ئەوروپا: لابردنی سێ سەرۆک شارەوانییەکە سه‌لماندی دیموكراسی له‌توركیا بونی نییه‌
عومەر بەشیر لەنێو قەفەس دادگا: ٢٥ ملیۆن دۆلارم لە محەمەد بن سەلمان وەرگرتووە
كشتوكاڵی سلێمانی سزای‌ 27 فه‌رمانبه‌ری‌ دا له‌سه‌ر ئه‌وه‌ی‌ پابه‌ندنه‌بوون به‌كاتی ده‌وامكردنه‌وه‌
فازڵ میرانی: ڕێگە نادەین لەهەرێمی کوردستانەوە هەڕەشە لەئاسایشی ئێران بکرێت
سوپای سوریا لە ئاسمانەوە هێرشی کردە سەر کاروانێکی سەربازی سوپای تورکیا
وتەبێژی حكومەتی هەرێم: ئامادەین داهاتی 250 هەزار بەرمیل نەوتی رۆژانە رادەستی بەغدا بكەین
پۆلیسی تورکیا هێرشی کردە سەر خۆپیشاندەرانی دیاربه‌كر
مه‌سرور بارزانی‌ داوا له‌وه‌زیره‌كانی‌ كابینه‌ی‌ نۆیه‌م ده‌كات فۆڕمی‌ ئاشكراكردنی‌ سامانه‌كه‌یان پڕبكه‌نه‌وه‌
© 2018 Awene Online, Inc. All Rights Reserved.
×