پەرلەمانی عێراق لە كۆبونەوەی ئێوارەی ئەمڕۆ(پێنجشەممە)دا دەنگی لەسەر
یاسای كۆمسیۆنی باڵای سەربەخۆی هەڵبژاردنەكان داو دانیشتنەكەشی بۆ هەفتەی ئایندە
هەڵگرت.
ئاوێنە: پەرلەمانی عێراق لەكۆبونەوەكەیدا بەزۆرینەی دەنگ یاسای كۆمسیۆنی
باڵای سەربەخۆی هەڵبژاردنەكانی پەسەندكردوە.
بەپێی میدیا عێراقییەكان، لەكۆی 28 ماددەی یاساكە پەرلەمان دەنگی لەسەر 27
ماددە داوە و ماددەی 24ی یاساكە بە بڕیاری محەمەد حەلبوسی، سەرۆكی پەرلەمان
سڕدراوەتەوە.
مادەی 24ی یاساكە باسی لەوە كردوە كە مەرجە لە دانانی سەرۆكی فەرمانگەی
هەڵبژاردندا لە خولی یەكەمدا و دوای جێبەجێكردنی ئەم یاسایە، نابێت ئەو كەسە پێشتر
پۆستی بەڕێوەبەری گشتی لە فەرمانگەكانی كۆمسیۆندا هەبوبێت یاخود پێشتر ئەندامی
ئەنجومەنی كۆمسیاران بوبێت.
كەمێك لەمەوبەریش پەرلەمانی عێراق دانیشتنەكەی بۆ هەفتەی داهاتو هەڵگرت.