جڤاتی نیشتیمانی بزوتنەوەی گۆڕان ئەو رێککەوتنەی پەسەند کرد
کە وهفدی دانوستانکاری بزوتنەوەکە و وهفدی پارتی دیموکراتی کوردستان ئیمزایان کرد.
ئاوێنه: میدیای رهسمی گۆڕان بڵاویكردهوه كه کەمێک لەمەوبەر
(8:35 خولەک) کۆبونەوەی جڤاتی نیشتیمانی گۆڕان کۆتایی هات و لە کۆبونەوەکەدا تاوتوێی
راسپاردەکانی جڤاتی گشتی کرا و دوای گفتوگۆکردن لەسەر رەشنوسی ئەو رێککەوتنەی وهفدی
هەردولا لە کۆبونەوەکانی رابردودا گەڵاڵەیان کردبو، بە کۆمەڵێک سەرنج و تێبینییەوە
کە ئاڕاستەی وهفدی دانوستانکاری گۆڕان کرا، رێککەوتنەکە پەسەندکرا.
ئێوارەی دوێنێ شەممە، كۆبونهوهی وهفدی دانوستانکاری بزوتنەوەی
گۆڕان و پارتی دیموکراتی کوردستان لە مەکۆی سەرەکی گۆڕان لە شاری سلێمانی بەڕێوەچو.
بەپێی راگەیەندراوی کۆبونەوەکە؛ رێککەوتنى سیاسی نێوان پارتى
و گۆڕان پەسەندکرا و هەردولا لەسەر چوار خاڵ رێککەوتن:
1- رێککەوتنى سیاسی نێوان پارتى و بزوتنەوەى گۆڕان پەسەندکرا
2- لە کۆبونەوەکەى (18)ی (2)ى پەرلەمانى کوردستاندا فراکسیۆنى
پارتى و فراکسیۆنى گۆڕان بەشداردەبن.
3- لەسەر شێوازى پێکهێنانى حکومەت گەیشتونەتە قۆناغى کۆتایى
و بەرەوپێشچونى بەخۆیەوە بینیوە
4- پڕۆژەى رێککەوتن دەبرێتەوە بۆ سەرکردایەتی هەردولا بۆ
پەسەندکردنى.