بەختیار عەلی، بەڕێوەبەری گشتیی پەیوەندییەكان لە نوێنەرایەتیی حكومەتی هەرێم لە بەغدا،
لەحاڵەتی ناردنی بۆ پەرلەمان بەمەبەستی پەسەندكردنی، پڕۆژە یاسای بودجەی 2020ی
عێراق پێویستی بە رێككەوتنە لەنێوان بەغداو هەرێم.
ئاوێنە: بەختیار
حاجی حەمەد، بە ماڵپەڕی رەسمی پارتی راگەیاند"ئەگەر پڕۆژەبودجەی 2020ی عێراق
بوە یاسا و تێپەڕێندرا، كاریكی زۆر باش كراوە، ئەگەرنا بەپێی یاسای دارایی ڕێككەوتنی
هەولێر و بەغدا، ساڵی داهاتوش وەك ساڵی 2019 بودجەی كوردستان بە شێوەی ئێستا بەردەوام
دەبێت".بەڕێوەبەری گشتیی پەیوەندییەكان لە نوێنەرایەتیی حكومەتی هەرێم ڕایشیگەیاند:
"لە عێراق ڕوداوەكان خێرا و پێشبینینەكراون، بەڵام ئەوەندەی بزانین ئەنجومەنی
وەزیرانی عێراق وەزارەتی داراییی ئاگادار كردوەتەوە كە پڕۆژەبودجەی 2020ی عێراق بنێرێتە
پەرلەمان، ئەگەر ئەم پرۆژەیەش بكرێتە یاسا، بودجەی كوردستان لەوەی ئێستا زیاتر دەبێت
و دۆخی ئابوریی هەرێم باشتر دەبێت".
وتیشی"هەركاتێك
پڕۆژەبودجەی 2020 چوە پەرلەمان، شاندی كوردستان دەچێتە بەغدا بۆ ڕێككەوتنی سیاسی،
تا پرۆژەكە لە پەرلەمان تێپەڕێت، لە عێراقیشدا پەرلەمان و حكومەت گیرۆدەی جادەیەو
حزبە سیاسییەكانیش هەڵوێستی شەقامیان خراپ كردوە لەسەر بەركەوتەی كورد لە بودجە، بۆیە
ئەم بودجەیە پێویستی بە ڕێككەوتنە".