2020-01-16 792
لەناحیەی ڕزگار سەربەقەزای کەلار گەنجێک گیانی لەدەستدا بەوتەی کەس و کاری لەماڵی خۆیاندا خۆی هەڵواسیوە پۆلیس دەستی بەڵێکۆڵینەوە کردوە
ئاوێنە، ئەیاد محەمەد، مەقدەم علی جمال قدوری وتەبێژی پۆلیسی گەرمیان ڕایگەیاند: "بەرە بەیانی ئەمڕۆ (پێنج شەمە) لەناحییەی ڕزگاری سەربەقەزای کەلارەوە تەرمی گەنجێک بەناوی ( محسن عەسکەر محمد ) لەدایکبووی 1999 هێنرایە بەشی فریاکەوتنی شەهیدهەژار لەکەلار کەبەهۆکاری هەڵواسین گیانی لەدەستدابوو".
وتیشی: "بەوتەی کەسوکاری ناوبراو هیچ کێشەو گرفتێکی نەبوە بەیانی ئەمڕۆ لەماڵی خۆیاندا خۆی هەڵواسیوەو گیانی لەدەستداوە"
هێمای بۆئەوەشکرد:" لەئێستادا تەرمەکەی ڕەوانەی پزیشکی دادوری کراوەو پۆلیس لەسەر چۆنێتی و هۆکاری خنکانی ناوبراو دەستی بەلێکۆڵینەوە کردوە"
سەبارەت بەحاڵەتی خۆکوشتن وتی:" لەساڵی نوێی 2020 ئەم حاڵەتە بەیەکەمین حاڵەتی خۆکوشتن دێت لەسنوری گەرمیان"